Надуеноста на стомакот е еден од оние досадни физички феномени за кои сме во бескрајна потрага по лек. Доаѓа во две форми – како задржување вода и формирање гасови.
Исто така, се смета за секундарна болест која не претставува голема закана по здравјето за да бидат посветени позначајни истражувања. Виновник за ова обично е храната (преработена, рафинирана), но и други неочекувани причини можат да доведат до надуеност.
Авионите можат да ве доведат до вашето место за одмор, но многумина на целта пристигнуваат надуени. Еден од начините на превенција е да пиете доволно течности и избегнувате нездрави „грицки“ во авионот. Чајот е добар сојузник во летот.
Од антибиотици до лекови против болка и контрацептивни пилули, може да се појави надуеност во стомакот. Антибиотиците влијаат на бактериите во цревата што може да доведе до надуеност. Лековите против болка можат да го забават дигестивниот систем.
Пиење многу вода и користење пробиотик и дневна доза магнезиум можат да помогнат да се забрза работата на гастроинтестиналниот систем.
Бавно тело значи бавно варење. Кој било вид физичка активност, од интензивен тренинг до едноставно пешачење на правилен начин го одржува дигестивниот систем.
Не се брзајте додека јадете. Така ќе го намалите ризикот од прејадување, но и од голтање воздух што е причина за надуеност. Џвакањето со отворена уста исто така доведува до влегување на повеќе воздух.
Во некои култури едноставно не може да добиете чаша ладна вода во ресторан. И за тоа има објаснување, пиењето студена вода го забавува варењето зацврстувајќи ги мастите, а покрај тоа телото мора да троши повеќе енергија за да ја апсорбира водата кога е студена.
Ладната вода сито така ги разблажува желудочните сокови, што дополнително го забавува процесот на варење и може да предизвика надуеност.
Додека пиете од шише со долго грло земате повеќе воздух отколку пиејќи од чаша или од шолја. Истото важи и за пиење од сламка, затоа чувајте ги и цревата и животната средина.
Големи се шансите да се чувствувате надуено додека имате менструација бидејќи нивото на хормони во текот на тие денови може да влијае на процесот на филтрирање на водата во бубрезите и да биде причина за задржување вода повеќе од вообичаено.