Во ноќта од саботата кон неделата на НБА терените се одиграа осум дуели, а најголемото изненадување беше поразот на Далас Маверикс од Њу Орлеанс Пеликанс.
Далас настапи без својата најголема ѕвезда Лука Дончиќ кој има проблем со глуждот. Тоа значеше и дека Маверикс немаа што да бараат на дуелот против Пеликанс.
Џордан Хокинс со 34 поени ги предводеше гостите до победата, додека на Далас не му беа доволни 33-те поени на Кајри Ирвинг.
Изненадување направија и Вашингтон Визардс кои на гости ги совладаа Атланта Хокс со резултат 127:99 благодарение на одличното издание на Кајл Кузма кој постигна 29 поени.
Бостон Селтикс броеше до 145, совладувајќи ги Хјустон Рокетс со резултат 145:113. Се истакнаа Џејлин Браун со 32 и Џејсон Тејтум со 27 поени.
Во дерби натпреварите Јута го совлада Лос Анџелес Лејкерс со резултат 132:125, додека Милвоки на крилата на Џанис Антетокунмпо го совлада Голден Стејт со резултат 129:118.
Бостон - Хјустон 145:113
Атланта - Вашингтон 99:127
Мемфис - Њујорк 94:106
Милвоки - Голден Стејт 129:118
Оклахома - Орландо 112:100
Далас - Њу Орлеанс 108:118
Сан Антонио - Чикаго 116:122
Јута - ЛА Лејкерс 132:125