Често не обрнуваме внимание на шпајзот во кој ги чуваме зачините, ниту го проверуваме нивниот рок на траење. Всушност, дури мислиме дека некои од нив немаат рок на траење. Но, тоа не е баш така. Ако сега направите ревизија на вашите зачини, ќе видите дека на некои од нив им е истечен рокот. Сепак, тоа не значи дека треба да ги фрлите, туку да ги користите на неколку начини.
Направете вреќички од сушен босилек, ловорови листови, копар, лаванда, рузмарин, лук или мајчина душица и ставете ги на места каде што сакаат да се собираат бубачки и инсекти.
Зачините мирисаат прекрасно во сапунот, а зрнестите парчиња ќе делуваат како природен пилинг.
За сами да направите свеќа, во тенџере растопете восок од соја, ставете кокосово масло и зачини како ѓумбир, цимет, каранфилче и екстракт од ванила. Потоа полека префрлете ја смесата во стаклен сад отпорен на топлина, како тегла или огноотпорна чинија.
Одберете шарени зачини како куркума, шафран и црвена пипер па секој посебно замотајте го во газа. Во лонец сварете вода, ставете еден од зачините и оставете да се крчка околу еден час. Во водата додадете една шолја бел оцет, а потоа ставете ја ткаенината која сакате да ја обоите и оставете да се вари околу половина час.
