Нема потврден случај на омикрон во земјава, уште е доминантен делта сојот

Скопје, 7 декември 2021 (МИА) – Иако во државите низ светот забрзано се шири омикрон сојот на коронавирусот, кај нас засега не е регистриран ниту еден случај. Сѐ уште доминантен останува делта сојот, како кај нас, така и во државите од регионот. Во меѓувреме, надлежните повикуваат на помасовна вакцинација, која претставува единствениот реален излез од пандемијата.

Новиот сој омикрон вчера за првпат беше потврден на Балканот. Поточно, станува збор за двајца пациенти од Хрватска кои се инфицирале со новиот сој, а притоа не престојувале во Јужна Африка, но биле на состаноци на кои имало гости од странство.

Иако овој сој забрзано се шири, првите индикации покажуваат дека тој е помалку опасен од делта сојот. Ова вчера го изјави главниот советник на американскиот претседател за пандемијата, инфектологот д-р Ентони Фаучи. Тој напомена дека на научниците им требаат повеќе информации пред да донесат заклучок за сериозноста на сојот омикрон.

Омикрон досега е откриен во третина од американските сојузни држави, вклучувајќи го североисточниот, јужниот и западниот брег.

Според Светската здравствена организација (СЗО), лицата заразени со сојот омикрон, обично имаат поблага форма на болеста.

Техничката раководителка на Светска здравствена организација за COVID-19, Марија Ван Керкова изјави дека е потребно време за заразените да поминат низ целиот процес на инфекција, и оти можеби ќе поминат неколку недели пред навистина да стане јасно колку луѓе од заразените со сојот омикрон ќе развијат тешка форма на болеста. Но, таа предупреди дека дури и да се работи за полесна форма на болеста, важно е брзо да се делува за да се преземат мерки за контрола на нејзиното ширење.

Во меѓувреме, вакцинацијата останува единствениот излез од епидемијата.

Сепак, Европската Комисија нема да препорача задолжителна вакцинација во Европската Унија, соопшти вчера портпаролот на Европската комисија Ерик Мамер.

За потсетување, претседателката на Европската комисија, Урсула фон дер Лајен минатата недела изјави дека е добро што се дебатира за задолжителна вакцинација, но како што прецизираа вчера од Европската комисија, здравствената политика е целосно надлежност на земјите членки.

-Комисијата нема препораки до земјите членки, претседателката даде свој став за ситуацијата во Европа, изјави Ерик Мамер, портпарол на Европската комисија, додавајќи дека со оглед на милионите невакцинирани граѓани во ЕУ, оваа дебата е добредојдена. Но, додаде Мамер, јасно е дека ова е надлежност на земјите членки и Европската Комисија нема да поднесе предлог во оваа насока.

Македонската Агенцијата за лекови и медицински средства (МАЛМЕД), пак, вчера објави дека досега има добиено две пријави од лекари за сомнение за смртен исход по примена вакцина против COVID-19.

Се прави комплетна обработка за да се докаже дали несаканите реакции се навистина поврзани со употребата на вакцините против COVID-19.

Двете пријави Агенцијата ги имала во март и во септември, од страна на лекари, и се однесуваат на 85-годишен и за 53-годишен, но уште не е докажана поврзаност со употребата на вакцините.

Раководителката на сектор во Агенцијата за лекови и медицински средства (МАЛМЕД), Мерјем Хаџихамза појасни дека пријавите освен во Упсала мониторинг центарот, испратени се и во Институтот за јавно здравје, каде се прави таа натамошна обработка.

Сепак, како што посочува, станува збор за сомнежи и неофицијални податоци. Ефектите од вакцинацијата се далеку, далеку поголеми.

Во текот на вчерашниот ден, беа регистрирани нови 101 случај на заболени од  COVID-19, од направени 1.299 тестирања. Починале 13 лица, а оздравени се 393 пациенти.

Досега во земјата направени се вкупно 1.485.944 тестирања. Вкупната бројка на Ковид-дијагностицирани лица од почетокот на епидемијата изнесува 217.400, а бројот на оздравени пациенти е 203.967. Починати се 7.658 пациенти. Бројот на активни случаи е 5.775.

реклама

Македонија

Лани во Македонија се случиле 108 несреќи при работа, а од нив 15 завршиле со фатални последици

Read more

Основците и средношколците од утре на пролетен распуст

Read more

Ковачевски: ВМРО ДПМНЕ ќе ги затвори нашите ЕУ перспективи, СДСМ останува посветена на европска Македонија

Read more

Апасиев: Под власта на учките од ДУИ, поддржани од корумпираната македонска елита, секое второ дете од Полог се раѓа во Швајцарија

Read more
 

Вести

Распишан конкурсот за наградата „Антево перо“ за 2024 година

Читај повеќе

Двајца Срби краделе велосипеди во општина Аеродром, полицијата ги фати

Читај повеќе

Лани во Македонија се случиле 108 несреќи при работа, а од нив 15 завршиле со фатални последици

Читај повеќе

Основците и средношколците од утре на пролетен распуст

Читај повеќе

Ковачевски: ВМРО ДПМНЕ ќе ги затвори нашите ЕУ перспективи, СДСМ останува посветена на европска Македонија

Читај повеќе

Апасиев: Под власта на учките од ДУИ, поддржани од корумпираната македонска елита, секое второ дете од Полог се раѓа во Швајцарија

Читај повеќе

Ковачки до Ахмети: Парите со кои вршиш поткуп ќе треба да ги вратиш

Читај повеќе

Ирак воведе затворска казна од 15 години за истополови врски

Читај повеќе

Промена на времето со пороен дожд и грмежи од 1 мај

Читај повеќе