Иако желбата на родителите е децата да им бидат совршени, мирни и послушни во секој момент, психолозите нагласуваат дека тоа не влијае добро на развојот на децата. Тврдат дека немирните деца всушност израснуваат во најсреќни луѓе.
Зошто бунтовните деца минуваат подобро во животот?
Независни се и не се плашат јасно да кажат што сакаат
Секое дете е уникатно и има свој начин на интеракција со околината. Доколку родителите постојано се обидуваат да го стават детето во некаква рамка и му наметнат модел на однесување, тоа подоцна може да има проблеми со самодовербата. Неможноста да сфатат што всушност сакаат самите ќе ги следи и во текот на растењето.
Ќе стекнат богато знаење
Децата ги користат сите сетила за да комуницираат со светот. Оние кои не мируваат покажуваат љубопитност која никако не треба да ја попречувате.
Кога родителот го принудува детето да биде апсолутно мирно и да не покажува иницијатива, тоа ја губи желбата за истражување и нови сознанија. Немирните деца растат во успешни луѓе.
Полесно покажуваат и разбираа емоции
Немирните деца стануваат емотивно стабилни луѓе кои препознаваат и почитуваат туѓи емоции. Како возрасни луѓе нема да им биде проблем да ги изразат сите свои емоции.
Не ги интересира туѓото мислење
Немирните деца не бараат нечие одобрување кога ќе пораснат. Знаат што е добро за нив и без страв го следат својот пат. Доколку не успеат, тоа нема да ги обесхрабри. Знаат дека секоја ситуација може да се поправи. Размислуваат дека единствено нивното мислење е важно.
Имаат подобри вештини за решавање проблеми
Децата кои родителите ги држат под контрола во секој момент, израснуваат во луѓе кои се плашат од авторитет и потешко се вклопуваат во поголеми колективи. Но, немирните деца со тоа никогаш немаат проблеми. Кога ќе пораснат, се спонтани и со леснотија ги решаваат проблемите со кои се соочуваат. Освен тоа, поотпорни се на стрес.
Стануваат луѓе кои се свесни за своите квалитети
Знаат дека заслужуваат да бидат безрезервно сакани и дека нема потреба да се однесуваат пристојно за да добијат љубов.