Како што објаснуваат лекарите, замастен црн дроб се јавува како резултат на прекумерно таложење на маснотии во црниот дроб.
Најчести причини за замастен црн дроб се дебелината, дијабетесот, консумирањето алкохол, земање одредени лекови, наследни болести и хепатитис Ц, според клиниката Мајо. Доколку не се препознае навреме, може да доведе до посериозни последици како цироза или откажување на црниот дроб.
Затоа, предупредуваат експертите, важно е навреме да се препознаат симптомите. Лошата работа е што во огромното мнозинство на случаи воопшто нема никакви симптоми или болните ги игнорираат мислејќи дека причината е нешто безопасно. Еден од симптомите што често се појавува кај луѓето со замастен црн дроб е невообичаено лош здив.
Овој феномен во медицинските кругови се нарекува Fetor hepaticus, а тоа е карактеристичен мирис кој најчесто го доживуваат луѓето со замастен црн дроб. Тој е многу специфичен и непријатен, а пациентите често го опишуваат како комбинација на мирис на расипани јајца и лук.
Други симптоми кои укажуваат на замастен црн дроб се жолтица, главоболка, зголемено потење, надуеност што не е предизвикана од обилен оброк, задебелени вени во форма на пајажина и отекување на нозете и глуждовите. Иако ниту еден од овие знаци не мора да значи дека нешто не е во ред со нашето здравје на црниот дроб, лекарите објаснуваат дека сепак е добра идеја да се прегледаме доколку ги забележиме.
