Зголемувањето на телесната тежина во повеќето случаи има прилично едноставно објаснување - внесувате премногу калории од храна и пијалаци, а вашата физичка активност е намалена во однос на претходното ниво, што резултира со калориски вишок, а со тоа и зголемување на телесната тежина.
За оптимална телесна тежина најважен е правилниот сооднос на внесената храна и потрошувачката на енергија, но доколку правиме сѐ како и обично, се храниме здраво и редовно тренираме, а килограмите продолжат да се таложат, тогаш причината за необјаснетото зголемување на телесната тежина може да да се крие на друго место.
Различни лекови што ги користите може да предизвикаат ненадејно зголемување на телесната тежина. Апчиња за контрацепција, стероиди, бета-блокатори или лекови за мигрена може да предизвикаат зголемување на телесната тежина. Имено, тие делуваат така што го зголемуваат апетитот и го забавуваат метаболизмот, што е буквално главната причина за дебелеење без прејадување или некоја друга грешка.
Доколку забележите дека на вашата тежина влијае лекот што го земате, нутриционистите советуваат да побарате од вашиот лекар да ви препише друг вид на лек без такви несакани ефекти, се разбира, доколку тоа е можно.
За време на менопаузата, метаболизмот се забавува кај речиси сите жени, тие се подепресивни, имаат полош сон, а апетитот им се зголемува. Хормонот естроген, кој служи и за одржување на оптимална телесна тежина, полека исчезнува, па килограмите почнуваат побрзо да се таложат, објаснуваат лекарите. На жените во менопауза затоа им се препорачува посебно внимание да посветат на здрава исхрана и редовна физичка активност.
Друга неочекувана причина за зголемување на телесната тежина може да биде недостаток на витамини или минерали во телото. Имено, недостатокот на витамин Д, магнезиум и железо може да го загрози имунитетот и да влијае на нивото на енергија, а со тоа и на вашите активности.
Доколку немате енергија за здрав начин на живот и вежбање, вишокот килограми полесно ќе се акумулираат, а експертите советуваат дека доколку се сомневате во недостаток на витамини или минерали во организмот, не би било лоша идеја да го проверите нивното ниво во крвта.
Не треба да се нагласува колку е важен квалитетниот сон и за менталното и за физичкото здравје. Многу луѓе не успеваат да ја добијат препорачаната количина на сон од 8 часа во текот на ноќта, а докажано е дека долготрајниот недостаток на сон има низа штетни последици по здравјето на луѓето.
Многу студии дојдоа до резултати кои покажуваат дека недостатокот на сон влијае на зголемувањето на телесните масти, зголемениот ризик од дебелина и успехот на губење на тежината, дури и ако го контролирате внесот на калории.
