Поранешниот војник успеа за 7 месеци да ги искачи 14-те највисоки врвови во светот соборувајќи рекорд поставен пред 32 години од полски планинар.
Нирмал Пурџа утринава го искачи и последниот врв на листата, Шишипанма во Кина по што се пофили на Twitter дека „мисијата е завршена“.
Тој е поранешен британски маринец кој со планинарење почнал да се бави во 2012 на Еверест. Иако Непалец, служел во британската војска бидејќи Непалците повеќе од два века се во служба на Кралското семејство иако никогаш не биле британска колонија.
На Земјата постојат 14 врвови кои се повисоки од 8 илјади метри, а претходниот рекорд го држеше Полјакот Јержи Кукучка кој ги искачи за 7 години, 11 месеци и 14 дена, последниот во 1987.
Пурџа подвигот го направи за само 7 месеци откако првиот врв го искачи на 23 април годинава. Веројатно потегот ќе го завршеше за уште пократко време, но во два наврата требаше да чека специјална дозвола од кинеските власти за двата врва кои се наоѓаат во кинеската проблематична територија Тибет.
Анапурна, Непал, 8.091 м, 23 април
Даулагири, Непал, 8.167 м, 12 мај
Канченџунга, Непал, 8.586 м, 15 мај
Еверест, Непал, 8.848 м, 22 мај
Лхоце, Непал, 8.516 м, 22 мај
Макалу, Непал, 8.463 м, 24 мај
Нанга Парбат, Пакистан, 8.126 м, 3 јули
Гашербрум 1, Пакистан, 8.080 м, 15 јули
Гашербрум 2, Пакистан, 8.035 м, 18 јули
К2, Пакистан, 8.611 м, 24 јули
Броад Пик, 8.051 м, Пакистан, 26 јули
Чо Оју, Кина, 8.188 м, 23 септември
Манаслу, Непал, 8.163 м, 27 септември
Шишипанма, Кина, 8.027 м, 29 октомври
