Netflix го објави првиот тизер и фотографии од главните ликови од серијата Avatar: The Last Airbender.
Во главната актерска екипа се Гордон Кормиер, кој го игра Аанг, Киавентио Тарбел, кој ја игра Катара, Иан Оусли, кој ја игра Сока и Далас Лиу, кој го игра принцот Зуко.
Серијата е адаптација на истоимената анимирана серија, која се емитуваше на Nickelodeon од 2005 до 2008 година, а беше креирана од Мајкл Данте Димартино и Брајан Кониецко. Режисер, сценарист и извршен продуцент на адаптацијата на Netflix е Алберт Ким, познат по сериите Sleepy Hollow и Nikita. Тој е извршен продуцент од Ден Лин, Линдзи Либераторе и Мајкл Гои. Мајкл Гои, Розеан Лианг, Џабар Раисани и Џет Вилкинсон ќе режираат некои епизоди, пишува Deadline.
Avatar: The Last Airbender е сместен во фантастичен азиски свет кој е поделен на четири нации: Вода, Земја, Оган и Воздух. Во секоја земја има мајстори кои манипулираат со еден од елементите. Само една личност, наречена Аватар, има способност да ги контролира сите четири елементи и неговата задача е да го одржува мирот во светот. Серијата го следи 12-годишниот Аватар Аанг, кој заедно со своите пријатели се обидува да го врати мирот во светот во кој владее вековна војна.
Фановите на Twitter ги споделија своите размислувања за претстојната серија и актерите чии фотографии беа објавени.
„Не ми е гајле за костимите и расите, но нивните изрази на лицето не се совпаѓаат со карактерот на ликовите што ги играат. Ова ме потсетува на адаптацијата на Шјамалан“, „Бидејќи креаторите на оригиналната серија не се вклучени во продукцијата на ова, нема да го гледам“, „Не изгледа ветувачки“,се некои од коментарите.
„Ова навистина ми го разубави денот“, „Го имате моето внимание“, „Одличен кастинг“, „Конечно нешто да се радувам во 2024 година. Едвај чекам повторно да ги видам Аанг, Катара, Сока и Зуко“, напишаа од друга страна воодушевените обожаватели на претстојната серија.
Avatar: The Last Airbender ќе биде премиерно прикажана во 2024 година на Netflix.
