Магична, нежна, љубезна, иновативна, оптимист, искрена, забавна, слободоумна и оригинална – сето ова ја опишува жената Водолија.
Често може да не ја разберете што сака да направи бидејќи таа е необична и оригинална. За неа не важат стереотипите и не може да ја предомислите доколку нешто не ѝ се допаѓа. Секогаш прават како им одговара и не сакаат некој да им „соли памет“.
Од друга страна, тие се добродушни и имаат големо срце. Секогаш се подготвени да ви помогнат кога треба, без разлика дали станува збор за емотивна, финансиска или каква било друга помош. Сакаат да напредуваат, но од друга страна не ги сакаат промените. Врзани се за нивното минато и спомените кои ги чуваат како најголемо богатство, лојални се на партнерот и на пријателите. Секогаш ќе бидат тука за нивните блиски – и во добро и во зло.
Секс и врски
Жената Водолија игра според сопствените правила. Кога станува збор за љубовта, никогаш нема да ви биде здодевно со неа. Не се вљубува лесно – ѝ треба време за да се поврзе со некого и да му верува на партнерот.
Кога е во врска, сака партнерот да ја почитува нејзината слобода и да ѝ даде простор да дише, а истото го прави и таа.
Партнерот ќе ужива со неа и ќе биде изненаден од начинот на кој таа се предава на сексуалниот однос. Не постојат табу теми и сака да експериментира во креветот. Идеални партнери за жената Водолија се Вага, Близнаци, Стрелец, Овен.
Пријателство
Нејзините пријатели се бројат на прстите на една рака. Жената Водолија е посветена само на неколку луѓе кои ги бира според многу критериуми.
Секогаш е тука кога ви треба помош, а се дружи со луѓето со кои има исти желби и размислувања. Ќе ви даде искрен совет секогаш кога ќе ви треба.
Изглед
Мал нос, убава насмевка, дупчиња на образите, мека кожа, темна, густа коса се некои од нејзините најубави карактеристики. Жената Водолија е слаба и висока. Секогаш изгледаат убаво и посветуваат внимание на нивниот изглед.
