Американскиот претседател Џо Бајден, кој пристигна во посета на Израел, се запраша „Што правам сега?“ веднаш по напуштањето на претседателскиот авион Air Force One, за потоа да направи уште една, посериозна грешка додека зборуваше за холокаустот и ги замени зборовите „ чест“ (honour) и „ужас“ (horror), пренесуваат американските медиуми.
Гафот молскавично се прошири на социјалните мрежи и уште еднаш го постави прашањето за состојбата на неговото ментално здравје.
„Во Израел сум за да им оддадам почит на шесте милиони еврејски животи украдени во геноцидот и да го продолжам она што мораме да го правиме секој ден, за да продолжиме да сведочиме и да ги одржуваме живи вистината и честа (honour) на холокаустот... ужасот (horror) на холокаустот“, рече Бајден.
Бајден ја поправи грешката, но се мачеше да го прочита говорот и се помачи да го изговори името на Меморијалниот центар на холокаустот Јад Вашем во Ерусалим. Американскиот претседател пристигна во Израел во средата попладне, што е првиот дел од четиридневната турнеја на Блискиот Исток, при што ќе ги посети и окупираниот Западен Брег и Саудиска Арабија.
Поранешниот лекар од Белата куќа, Рони Џексон, сега член на Конгресот, пред неколку години предупреди за влошување на когнитивните способности на Бајден. Коментарите на социјалните мрежи најмногу се сведуваат на тоа дека „претседателот е сенилен“, а многумина се прашуваат како може да згреши кога „има подготвен говор напишан со огромни букви“.
