Осумгодишно девојче во Словенија почина од повреди нанесени од куче во местото Менгеш, северно од Љубљана, соопшти полицијата.
Вчера попладне пред 17 часот полицијата била известена за нападот, а истрагата покажала дека девојчето му пришло на поголемо куче кое било врзано во двор, пренесе порталот 24ur.
Кучето го нападнало и го гризнало детето кое од повредите починало на местото на настанот. Повредите биле толку тешки што девојчето починало и покрај брзото пристигнување на Брзата помош. Полицијата спроведува истрага под сомнеж за предизвикување на општа опасност.
Дворот во кој било кучето бил ограден, но капијата била отворена. Според порталот, кучето било мешавина од ротвајлер и германски овчар. Кучето им е одземено на сопствениците.
Неодамна и Србија беше потресена од смртта на четиригодишно момче во Сента, откако беше нападнато од ротвајлери.