Дали некогаш сте слушнале за феноменот познат како „летен пенис“?
Имено, многу мажи тврдат дека нивниот пенис „расте“ во текот на летниот период. Но, дали има вистина во ова?
Новинарката Трејси Мур пред неколку години напиша статија во која меѓу другото наведе дека „летниот пенис“ е привремена флуктуација која благодарение на летните горештини го „зголемува“ пенисот и ја подобрува ерекцијата.
Урологот Џејмин Брахмбат рече дека луѓето пијат повеќе вода за време на жештината, што во комбинација со потењето може да направи вашето тело и кожа да изгледаат надуено и да ви даде перцепција дека работите се поголеми отколку што се.
Друг уролог, д-р Дадли Даноф, изјави дека флуктуацијата најверојатно била предизвикана од вазодилатација.
„Колку е потопла околината, толку повеќе крвните садови се шират, а топлината што овозможува вазодилатација го зголемува протокот на крв“, рече тој. Како што се зголемува протокот на крв, еректилното ткиво се шири, правејќи пенисот да изгледа поголем.
Тој додаде дека тоа не е случај кога мажот нема ерекција. Лекарите нагласуваат дека флуктуациите се привремени и во суштина ништо повеќе од оптичка илузија.
