На Netflix пристигна новата сезона на популарната серија Emily in Paris, а фановите и критичарите на серијата имаат главно негативни мислења.
Во третата сезона, Емили сè уште работи за француската ПР фирма со добро познатите колеги и се обидува да балансира меѓу љубовниот живот и кариерата, а исто така да открие на кој маж му припаѓа нејзиното срце. повторно е во триаголник, а на деловен план е растргната помеѓу Силвија, која ќе основа своја компанија, и Американката Медлин.
Во третата сезона повеќе внимание добива и најдобрата пријателка на Емили, Минди. И Емили го промени својот изглед и сега покрај вообичаената брановидна фризура има и кркми, а тој детаљ особено им се допадна на обожавателите.
На социјалните мрежи, како и во медиумите, помалку се пишува за вистинскиот заплет и драмата во серијата, а многу повеќе за облеката што ја носат актерките. Работата е што во третата сезона Мерилин Фитуси го презеде местото на костимограф од Патриша Филд и имаше комплексна задача, а тоа е дека аутфитите не смее да се повторуваат, туку мора да бидат поинтересни. Таа за Harper's Bazaar изјави дека има повеќе слобода во работата и дека соработувала многу тесно и интимно со актерите, особено со Лили Колинс.
Нашиот коментар: Колку модно несовесно од неа во 2022 година!
Ова е повторно де жа ви на рецептот на Sex and the City (за сличностите меѓу двете серии и разочараноста уште од првата сезона веќе пишувавме), каде Филд го основа правилото главните ликови никогаш да не се појават во ист аутфит.
Што се однесува до самиот заплет, нема да го расипеме, но Rolling Stone пишува дека „серијата ја изгуби магијата во збрканата трета сезона“ и дека „некогаш саканата серија на Netflix почна да се повторува, додека нејзините фанови продолжија понатаму“. Попатно го истакнаа детаљот во серијата кој најмногу ги фрустрира.
„Она што е најфрустрирачко во новата сезона е тоа што дури и кога некој лик е принуден да донесе одлука, тоа е ем предвидливо, ем без последици“, пишува Rolling Stone.
Што се однесува до реакциите на фановите на серијата, тие не се толку негативни.
„Досега гледав сè, има многу пресврти на заплетот и неизвесен крај на сезоната“, „За жал, сезоната не може така да заврши“, „Да чекам уште една година до новата сезона? Кажи ми ќе дојде порано“, „Не ми кажувај дека ова е крај, дај ни среќен крај“, се дел од позитивните коментари, но се многу ретки.
За жал, има многу повеќе негативни. „Многу сум разочарана, ниту блиску до прва и втора сезона“, „Се изнервирав од оваа сезона, се надевам дека четвртата сезона ќе биде подобро направена“, „Многу досадна сезона“, „Безмислена сезона, губење време и труд. Соберете се", "Многу сум разочарана од сезоната во споредба со првите две. Приказната е бесмислена, како да немаат идеи. Штета е затоа што серијата беше доста добра. Не мислеа подалеку“, се само дел од негативните коментари.