Од почетокот на пандемијата со коронавирусот се менуваа ставовите на научниците за новиот коронавирусот. Многу се внимателни за процените кога пандемијата ќе заврши и на кој начин. Но, сепак, доминира мислењето дека вирусот ќе опстане во популацијата.
Такво е и мислењето на експерти за заразни болести од Универзитетот Вашингтон. Меѓу нив е и докторт Крис Мареј, чие мислење за текот на пандемијата се промени. Тој првично очекувал дека ефективните вакцини во комбинација со претходно заразените луѓе ќе значи создавање колективен имунитет.
Но, минатомесечните резултати од испитувања на вакцините во Јужна Африка не само што покажале рапидно ширење на соеви на вирусот кои би можеле да ја намалат ефективноста на вакцините туку и би можеле да ги загрозат оние кои имаат природен имунитет стекнат преку зараза.
Моментално, тој е посветен на изучување на новите соеви на коронавирусот и нивните способности да го избегнат влијанието на природниот имунитет.
Reuters разговараше со 18 научници и сите имаат ист став, по објавувањето дека две вакцини се ефикасни 95 проценти многумина од нив се надевале дека тоа ќе значи запирање на вирусот, слично како сузбивањето на морбилите.
Но, порачаа дека сознанијата за соевите од Јужна Африка и Бразил го намалиле оптимизмот. Сега веруваат дека коронаврусот ќе биде ендемски вирус кој континуирано ќе циркулира меѓу луѓето и ќе продолжи да создава здравствени проблеми.
Нивната препорака е и понатаму да се почитуваат епидемиолошките мерки како носење заштитна маска и избегнување простории во кои има голем број луѓе, тоа особено се однесува на оние кои се во здравствен ризик.
Истото го препорачува и Ентони Фаучи, главниот медицински советник на американскиот претседател Џо Бајден.
Сепак, има и научници кои веруваат дека е можен позитивен исход од пандемијата со вакцините кои се направени исклучително брзо и превенираат можност од хоспитализација и смрт, дури и в случај на зараза со новите соеви.
Што велат од СЗО?
Мајкл Рајан од СЗО смета дека вирусот ќе стане ендемски и дека никаде нема да замине, пренесе Reuters.
