Најновата суперхеројска авантура со Роберт Патисон во улогата на Бетмен оствари солидна заработка од 463 милиони долари на светско ниво. Кога не би биле во време на пандемија, ова би било сосема очекуван развој, пишува Variety.
Но, фактот дека сме во пандемија придонесе последиците да се чувствуваат и во филмската индустрија, па така само четири холивудски филмови можат да се пофалат со солидна заработка на глобално ниво. Тоа се „Spider-Man: No Way Home“ (1,86 милијарди), „No Time to Die“ (774 милиони), „F9: The Fast Saga“ (726 милиони) и „Venom: Let There be Carnage“ (502 милиони).
Новиот „The Batman“ предизвика огромен интерес кај публиката. Покрај Патисон, во филмот се појавуваат Зои Кравиц и Пол Дејно. Режијата е на Мет Ривс, а филмот трае 3 часа.
Во вториот викенд од прикажување, „The Batman“ заработи дополнителни 66.6 милиони долари на светско ниво и 66 милиони на домашниот бокс-офис. Тоа придонесе за заработка од 224.7 милиони долари во светот и 238.5 милиони долари во Северна Америка.
„The Batman“ беше премиерно прикажан во Јапонија и заработи 3.2 милиони долари, доволно да се најде на врвот. Надвор од Северна Америка, филмот заработи 35 милиони долари во Обединетото Кралство, 20.2 милиони во Мексико и 16.7 милиони долари во Австралија.
Следниот петок филмот ќе биде прикажан и во Кина.
