Најновиот филм за Спајдермен, „Spider-Man: No Way Home“ се најде на врвот на светскиот бокс-офис и стана првиот филм со заработка поголема од милијарда долари откако е почната пандемијата. Последниот филм кој заработи над милијарда долари е „Star Wars: The Rise of Skywalker“ во 2019 година.
Во текот на божиќниот викенд приходот од кино влезниците надмина 1,05 милијарда долари. Според податоците на Comcore, оваа граница пред новиот филм за Спајдермен ја надмина „Star Wars: The Rise of Skywalker“ во 2019 година.
Очекувано се најде на првото место на листата филмови со најдобра заработка откако е почната пандемијава, претходно на врвот се наоѓаше „No Time To Die“, со 774 милиони долари.
Заработката на филмот кој е соработка меѓу Marvel Studios и Columbia Pictures достигна милијарда долари за помалку од две недели откако почна да се прикажува и покрај брзото ширење на омикрон.
Ниту една холивудска продукција досега не успеа да го достигне тоа. Филмот не игра во Кина, која моментално е најголем пазар.
Најновиот филм за Спајдермен е продолжение на филмот од 2019 година, а во главната улога се појавува Том Холанд.