Правилата што беа воведени за оваа сезона во Серија А ја донесоа првата драма, а мајсторка за опстанок во друштвото на најдобрите на Чизмата ќе играат екипите на Верона и Специја.
Според правилата воведени за сезоната 2022/2023, тимовите кои на крајот од сезоната ќе се најдат со ист број бодови во борбата за опстанок ќе одиграат решавачки натпревар, а гол-разликата нема да се смета, како што беше случајот претходно.
Ако на гол-разликата се гледаше како досега, Верона ќе останеше во друштво на најдобрите. Но, новите правила веднаш донесоа драма и по завршувањето на регуларниот дел од сезоната во Серија А. Затоа, пак, во меѓусебниот дуел подобра беше Специја играјќи 0:0 дома, а во Верона победи со 2:1.
Тоа го донесоа поразите од Верона и Специја во последното коло. Верона беше поразена со 1:3 на гостувањето кај Милан, додека Специја загуби од Рома (1:2), исто така на гости.
Датумот на мајсторката е 11 јуни, првата недела по завршувањето на регуларниот дел од сезоната. Еден натпревар ќе се игра на неутрален терен, но местото и точното време допрва ќе се утврдуваат.
Доколку натпреварот заврши нерешено, нема да се играат продолженија, туку играчите веднаш ќе шутираат пенали. Интересно е да се замисли и колкава тензија би имало доколку играчите на двата тима би шутирале пенали за опстанок во Серија А.
Според последните информации од Италија, четири градови се кандидати за домаќин на оваа, од повеќе аспекти, историска игра. Тоа се Удине, Фиренца, Лече и Реџо Емилија. Одлуката ќе биде донесена денеска.
Верона, формирана во 1903 година, има 47 сезони во најквалитетната италијанска лига, а по турбулентниот период сезонава ѝ беше четврта последователна во Серија А. Има и едно Скудето од сезоната 1984/1985.
Специја е формирана во 1906 година и ја одигра само седмата сезона во Серија А. Низ историјата најчесто била третолигаш (40 сезони) и второлигаш (31). Во Серија А ја одигра третата последователна сезона. Нема освоени Скудета.
