Главната предност на бензинците и дизел возилата во однос на оние со електричен мотор е во брзината на полнење. Но, инженерите во Tesla немаат намера да се откажат во борбата на тоа поле, па затоа направија нов, супербрз полнач кој беше претставен во седиштето на компанијата во Калифорнија.
Новиот V3 Supercharger може да ја наполни батеријата на Model 3 со јачина од 250 kW толку брзо што за пет минути полнење автомобилот ќе може да помине повеќе од 120 километри.
Првата V3 Supercharger станица е отворена во Фремонт за членовите на програмата на Tesla наречена „ран пристап“, односно за мала група сопственици на автомобили од компанијата на кои им е овозможено тестирање на голем број новитети.
Новиот супербрз полнач ќе почне да се продава веќе од наредниот месец, а на европскиот и азиско-пацифичките пазари ќе пристигне во четвртиот квартал од оваа година.
Третата генерација на супербрз полнач претставува големо подобрување во однос на V2 суперполначот, кој имаше максимална сила од 150 kW, но сите полначи од оваа производна линија беа ограничени на 120 kW. Меѓутоа, тоа ќе се промени годинава, бидејќи овие суперполначи ќе бидат апдејтувани така што нивната масимална сила ќе биде 145 kW.
