Њу Орлеанс, најголемиот град во американската држава Луизијана, е погоден од силно торнадо во кое најмалку едно лице загина, пренесоа американските медиуми.
Голем број домови се уништени, а неколку далноводи се урнати, пренесе Reuters.
„Имаме пет или шест целосно урнати куќи. Имаше и луѓе во куќите, за сега сите се попишани“, изјави Гај Мекинис од округот Сент Бернард.
Засега нема официјални податоци за бројот на повредени.
Поголемиот дел од Луизијана и понатаму закрепнува од ураганот Ајда од минатиот август при што починаа повеќе од 100 луѓе.