Азиската кујна секогаш ни носи многу вкусови и ароми, а така е и со овие тестенини, кои се направени со бело месо и зеленчук во соја сос. Идеални се за комбинирање со зачини и зеленчук по желба.
Нудлите се идеални за секаков вид на комбинации и вкусови, по слободно можете и да експериментирате.
Потребни состојки:
- 300 гр нудли
- 2 тиквички
- 3 моркови
- 1 целер
- 1 црвена пиперка
- 1 зелена пиперка
- 200 гр слатка пченка
- 250 гр шампињони
- 1 пилешко филе
- 1 главица виолетова зелка
- масло
- соја сос
- 1 праз
- сол
- бибер
Подготовка:
Најпрво згответе ги тестенините според упатството на пакувањето. Пилешкото филе и зеленчукот (зелка, тиквички, пиперки, моркови и целер) исечкајте ги на тенки ленти по должина. Загрејте го маслото во тава и пропржете го празот, па додадете го месото и пржете го околу 5 минути, или додека не порумени. Потоа додадете ги шампињоните и откако ќе ја пуштат водата пропржете ги уште неколку минути.
Додадете го зеленчукот во тавата, оставајќи ја пченката за крај. Истурете соја сос по вкус и сè добро измешајте. Кога зеленчукот е речиси готов, додадете ги пченката и варените тестенини, посолете и побиберете, соединете сè и оставете ги соковите да се измешаат уште неколку минути.