Сладоледот од малина е кремаст поради слатката павлака и богат со вкус поради јајцата. Лесно се подготвува.
Домашниот сладолед од малини е многу луксузен и предноста е што можете да користите и свежи и замрзнати малини.
Потребни состојки:
- 4 жолчки
- 50 гр шеќер
- прстофат морска сол
- 480 гр слатка павлака
- 340 гр зрели малини (замрзнати или свежи)
- 1 лажица свежо исцеден сок од лимон
- екстракт од ванила (опционално)
Подготовка:
Во тенџере истурете ги шеќерот, солта, жолчките и слатката павлака. Ставете на средно-тивок оган. Гответе додека дното на кремот не се згусне. Префрлете во сад (ако видите парчиња крем, процедете го низ ситно сито во сад) и оставете го на страна. Во блендер испасирајте ги малините.
Над садот со сварениот крем ставете ситно сито и во цедалката истурете го пирето од малини. Промешајте и притиснете за да се исцеди што повеќе од пирето. Во смесата додадете го сокот од лимон и мешајте додека не се соедини.
Ако сакате, можете да додадете малку екстракт од ванила. Оставете ја смесата на собна температура, па покријте ја со најлонска фолија и ставете ја во фрижидер преку ноќ (или најмалку 6-8 часа).
Ако одозгора се згусне малку од кремот, измешајте за да се соедини. Добро изматете ја смесата со миксер или, уште подобро, со машина за сладолед, па префрлете ја во сад кој може херметички да се затвори и замрзнете ја. Уживајте во сладолед кога сакате.
