Времето денеска ќе биде променливо облачно и постудено со сончеви периоди и со локални слаби врнежи од дожд, а на планините ќе провејува снег.
Ќе дува засилен ветер од западен и северозападен правец, а најсилен се очекува да биде во југозападните и јужните делови од земјава (на моменти со брзина и над 90 км/час).
Утринските температури ќе се движат од -2 до 6 степени, додека дневните ќе бидат во интервал од 3 до 17 степени.
Во Скопје и околината слично време со утринска температура околу 4 и дневна до 12 степени.
Утре ќе биде суво, студено и ветровито, а ветерот ќе биде северозападен и особено изразен долж Повардарието. Температурите значително ќе опаднат, при што утринските за време на викендот на повеќе места ќе бидат околу или под нулата.
