Претседателот на собраниската Комисија за политички систем и односи меѓу заедниците Влатко Ѓорчев ја одложи седницата закажана за 12 часот, на која требаше да се разгледува шестмесечниот извештај за работата на СЈО.
Седницата е одложена откако Ѓорчев констатираше дека не е присутна подносителката на извештајот, обвинителкaта Катица Јанева.
Јанева уште вчера најави дека нема да се појави повторно пред собраниската Комисија и ја напушти седницата, бидејќи, според неа, тоа што ѝ се прави е класичен мобинг. Таа, исто така рече дека ќе се појави во Собрание само на пленарна седница.
Освен Извештајот на СЈО, Комисијата требаше да расправа и за извештајот на државниот обвинител Марко Зврлевски, но тој никако да дојде на ред, а и тој денеска не се појави во Собранието.
