Крадец ограбил возило во Неготино додека во него спиеле возачот и сопатничката.
Според информациите на МВР, вчера околу 3:30 часот во Неготино, на паркинг-простор во близина на поранешен автокамп, непознато лице извршило тешка кражба во патничко моторно возило „Hyundai Santa Fe“ со украински национални ознаки, во кое спиеле возачот на возилото Л.К. (59) и сопатничката О.Н. (55), двајцата од Украина.
Крадецот со употреба на погоден предмет ја издишал предната десна гума од возилото, го скршил совозачкото стакло и од седиштето одзел женска чанта, во која имало патни документи, мобилен телефон и 4.500 евра во разни апоени.
Полицијата презема мерки за целосно расчистување на случајот.
