Рекламната кампања на Nike во која се појавува поранешниот НФЛ играч, Колин Кеперник, ја подели земјата. Многумина кои не се сложуваа со пораката на рекламата почнаа да ги палат нивните парчиња облека и патики од Nike, но тоа изгледа дека воопшто не ѝ пречеше на американската компанија.
Онлајн порачката и продажба на Nike производи порасна за 31% откако рекламата со Кеперник се појави во јавност.
„Постоеја шпекулации дека Nike/Кеперник кампањата ќе резултира со пад на продажбата на брендот, но нашите податоци за минатата недела го покажуваат токму спротивното“, вели Хетал Пандија, коосновач на Edison Trends, компанија за истражување на пазарот.
Инаку, Кеперник е контроверзна фигура поради неговиот бојкот кон националната химна во 2016 година. Тој клекнуваше секогаш кога химната ќе засвиреше на стадионите, со што сакаше да искаже бунт против државата. Неговата идеја беше да предизвика национално движење кое ќе дејствува против полициската бруталност над Афро-американците.
Претседателот на САД, Доналд Трамп, исто така има негативно мислење за Колин Кеперник, за кого тврди дека „покажува непочит не само према химната, туку и према целата земја“.