Џо Лигон имал само 15 години кога бил осуден на доживотен затвор за учество во грабеж и напад во кој починале две лица, а шест биле повредени.
Во четвртокот, на 83-годишна возраст, Лигон беше ослободен од државниот затвор во Пенсилванија како слободен човек, по 68 години зад решетки. Лигон никогаш не престана да тврди дека не учествувал во убиствата и дека неправедно ја издржувал казната.
Таа казна беше намалена на 35 години во 2017 година кога Врховниот суд на САД донесе одлука дека автоматските доживотни казни за деца се сурови. На многу затвореници чии случаи се слични на оној на Лигон, им е намалена казната и поднесоа барање за условно ослободување. Лигон не беше заинтересиран.
„Би сакал да бидам слободен. Кога сте пуштени на условно, често мора да посетувате полициски службеници задолжени за следење на вашите движења. Не можете да го напуштите градот. За мене, тоа е делумна слобода“, објасни тој за The Philadelphia Inquirer.
„Трошиме човечки животи и пари со луѓе кои се премногу долго затворени. Да се надеваме дека со ослободување на малолетници осудени на доживотен затвор, ќе го разгледаме начинот на кој ги осудуваме луѓето“, рече судијата по неговата одлука.
Пред да излезе, Џо се подготвуваше за соочувањето со светот, гледајќи вести на мал телевизор во неговата ќелија.
„Ми се допаѓаат шансите да преживеам надвор“, се пошегува тој, гледајќи низ прозорецот. „Ги гледам овие високи згради, сето тоа е ново за мене. Вакво нешто не постоеше порано“, додаде тој.
