Според експертите, коронавирусот се појавува во шест различни верзии. Новото откритие на Клер Стивс од Кралскиот колеџ во Лондон нуди нов увид во понатамошната пракса и за вториот бран на епидемијата.
Заклучокот од новата студија, под водство на Стивс, откри на кои пациенти ќе им биде потребна хоспитализација на самиот почеток на детектирање на болеста или пак респиратор. Раното откривање на ризикот ќе помогне да се спасат многу човечки животи.
Во Обединетото Кралство починаа повеќе од 45.000 луѓе како последици од инфекција со SARS-CoV-2, а најновата студија дава увид како лекарите да се грижат за пациентите во иднина.
Научниците велат дека од досегашната пракса пациентите развиваат цел спектар симптоми, од главоболка, болки во мускулите, истоштеност до чувство на несигурност и конфузија. Истражувањето покажало дека коронавирусот се појавува во шест различни форми.
1. Како грип, но без температура
Заразените во оваа група имаат главоболка, губење на осетот за вкус и мирис, болки во мускулите, кашлица, црвено грло, болка во градите, без температура.
2. Како грип, но со температура
Пациентите во оваа група имаат исти симптоми како од претходната, но со температура и губење на апетитот.
3. Гастроинтеролошки вирус
Пациентите во оваа група имаат симптоми како што се главоболка, губење на чувството на мирис и вкус, губење на апетитот, дијареја, црвено грло, болка во градите, немаат кашлица.
4. Потешка форма ниво 1- слабост
Покрај главоболка, губење на осетот за мирис и вкус, проблеми со апетитот, дијареја, црвено грло, чувство на изнемоштеност, болка во градите, без кашлица.
5. Потешка форма ниво 2 – конфузија
Истите симптоми како во претходните групи проследени со слабост, несвестици, болки во мускулите и чувство на конфузија.
6. Потешка форма ниво 3 - болки во абдоменот и респираторни проблеми
Во најтешкиот облик покрај сите наведени симптоми се појавува и губење на здивот, силна болка во абдоменот, висока температура и интензивна кашлица.
Научниците велат дека главоболката е една од најдоминантните симптоми на COVID-19 во последните истражување. Исто така, се појавува и осип на кожата како уште еден од подоминантните симптоми на инфекцијата.
Повеќе за студијата прочитајте овде.
