Од лансирањето на првиот Porsche Cayenne поминаа 15 години, а пред нас е третата генерација. Porsche официјално го покажа новиот Cayenne, пред неговата премиера на автомобилскиот саем во Париз.
Cayenne доби нови предни и задни светла, како и други ситни промени на надворешноста, но затоа во внатрешноста напредуваше значително.
Тука е и целосно новата алуминиумска платформа која ја намали вкупната маса на возилото за 65 килограми и сега тежи 1.985 кг, новиот осумбрзински менувач Tiptronic S, PSCB (Porsche Surface Coated Brake) односно челични дискови со тунгстен-карбиден премаз кој го зголемува нивното траење и ефикасноста на кочењето.
Под хаубата, засега се само два мотори - трилитарски турбо V6 со 340 КС и 2.9 литарски битурбо V6 со 440 КС во Cayenne S. Cayenne забрзува од 0 до стотка за 5,9 секунди и максималната брзина изнесува 250 км/ч, а Cayenne S забрзува до стотка за 4,9 секунди и постигнува 265 км/ч.
Наскоро можеме да очекуваме и други мотори, а цената на основниот модел во Германија почнува од 74.828 евра.
