На Волстрит, S&P 500 се лизна од рекордното ниво, а падна и индексот Nasdaq, што најмногу се должи на корекцијата на цените на акциите на производителот на чипови, по силниот раст во последните недели.
Dow Jones зајакна 0,10 отсто, на 39.043 поени, додека S&P 500 се лизна за 0,19 отсто, на 5.165 поени, а индексот Nasdaq 0,54 отсто, на 16.177 поени.
Падот на S&P 500 и Nasdaq најмногу се должи на падот на цените на акциите на производителите на чипови, како што се Nvidia и Intel, бидејќи инвеститорите решија да извадат дел од нивниот профит од пазарот, по силниот раст на тие акции во последните недели.
Вчера индексот на тој сектор падна за 2,5 отсто, но од почетокот на годината и натаму е во пораст за околу 17 отсто, благодарение на оптимизмот на инвеститорите во однос на развојот на вештачката интелигенција.
Инвеститорите се претпазливи пред февруарскиот извештај за цените на производителите во САД во четврток.
Во вторникот, податоците за потрошувачките цени покажаа дека инфлацијата не се намалила во изминатите два месеци, што значи дека американската централна банка би можела да ги задржи каматните стапки на покачени нивоа подолго од очекуваното.
На пазарот преовладува ставот дека ФЕД би можел да започне со намалување на каматните стапки во јуни.
Но, ако извештајот покаже дека цените на производителите пораснале повеќе од очекуваното, тоа би ги намалило очекувањата за намалување на каматните стапки во јуни, што може да има негативно влијание на пазарот.
И на повеќето европски берзи цените на акциите вчера пораснаа. Лондонскиот FTSE индекс зајакна за 0,31 отсто, на 7.772 поени, а париски CAC се зголеми за 0,62 отсто, на 8.137 поени. Франкфуртски DAX ослабе, пак, за 0,02 отсто, на 17.961 поен.
