Десет милиони долари вреди палатата на сега веќе поранешниот претседател на Зимбабве, Роберт Мугабе.
Палатата се протега на 44 хектари, а располага со 25 спални соби.
Внатрешноста изобилува со мермерни подови, скапи лустери и базен.
Мугабе е роден на 21 февруари 1924, и до неговото имнување од власт беше најстариот шеф на држава на ветот. Беше претседател на владата од 1980 до 1987 година, а од 1987 па досега беше шеф на државата.
Контроверзниот Мугабе, националниот херој на ослободувањето на Зимбабве од колонијалното владеење, често беше обвинуван за насилно задушување на опозицијата и уништување на земјата.
Познат е и по навредите упатени кон Западот, своите противници и новинарите. Мугабе поради начинот на владеењето и одговорноста за состојбата во Зимбабве каде владееше со „цврста рака“, од 2002 година беше изложен на европски и американски санкции.
Преку писмо што го достави до Парламентот тој даде оставка од функцијата на 20 ноември годинава.
„Јас, Роберт Габриел Мугабе, во согласност со членот 96 од уставот на Зимбабве, ја објавувам мојата оставка, која стапува на сила во истиот момент“, рече спикерот Џејкоб Мугенда, читајќи го писмото кое Мугабе го достави до Парламентот.
Жителите на главниот град на Зимбабве, Хараре, веднаш излегоа на улица да го прослават овој момент што го чекаа со години.
