Памела Андерсон потврди дека веќе воопшто не се шминка и објасни зошто се одлучила на овој чекор.
„Мислам дека имав пет години кога почнав да живеам во мојата имагинација. Враќањето дома, разголувањето и откривањето себеси беше процес, но јас сум тука. Да се биде свој е најдоброто чувство на светот. Убавината е слобода“, рече таа, меѓу другото.
Додаде дека „голото лице без шминка е само потсетник дека си убава таква каква што си“. Со ова видео откри и дека почнала да соработува со бренд за нега на кожа наречен Sonsie.
„Мислам дека нашите разлики се она што нѐ прави убави и интересни еден за друг. Целта е да ја исполниш својата цел на постоење, а тоа започнува со верување во себе. Треба да имаш храброст, да бидеш она што никој друг не е и да најдеш сила во тоа“, напиша таа.
Како што е познато, Памела за прв пат се појави без шминка пред неколку месеци на модната недела во Париз.
„Ако сите бркаме младост или формираме идеал за убавина врз основа на она што го гледаме во списанијата, тогаш ќе бидеме разочарани или малку тажни“, рече во таа прилика.
