Папата Франциск денеска ја нарече војната во Украина неоправдан, бесмислен масакр и побара од лидерите да биде прекината таа неприфатлива војна.
„За жал, насилната агресија против Украина не стивнува“, нагласи папата пред десетици илјади луѓе собрани на плоштадот „Свети Петар“ за време на денешната неделна молитва.
Тој потенцира дека тоа е бесмислен масакр во кој секојдневно се повторуваат убиства и злосторства.
„Нема оправдување за ова“, рече папата Франциск, кој повторно не ја наведе Русија како агресор. Тој, исто така, ги повика сите актери во меѓународната заедница да работат на прекин на војната.