Клубот кој грчевито се бори за опстанок во Серија А, откри како треба да изгледа реновираниот стадион „Енио Традини“.
Предводен од американскиот сопственик Кајл Краус, клубот работеше на проектот заедно со градоначалникот Федерико Пицароти и архитектот Алесандро Ѕопини за на крајот да добие дизајн инспириран од најпознатите градски обележја.
Парма денеска објави детали за стадионот преку видео-презентација. Сепак, вице-градоначаникот Марко Бози објасни дека проектот нема да биде официјализиран барем уште месец дена.
„'Тардини' е на ова место 100 години и претставува горд симбол за Парма и нејзините жители. Неодамна почнавме едно патување во кое ќе се осигураме дека оваа градба ќе остане тука, ќе биде средена и подновена за уште еден век“, рече претседателот на клубот.
Стадионот на кој како домаќин настапува Парма е граден од декември 1922 до септември 1923 година на иницијатива на тогашниот претседател Енио Тардини, во чија чест подоцна и е именуван. Реновиран е во периодот 1990-1993 и е со капацитет од 27.906 гледачи.