Со одлични победи против Барселона (4:0) во вториот натпревар од полуфиналето на Купот на кралот и кај Челси (2:0) во реваншот од четвртфиналето на ЛШ, Реал Мадрид во изминативе две недели доби можност за освојување на двојна круна во најважните натпреварувања.
Но, тоа значи и продолжување на пеколниот распоред.
Голготата ќе започне на 2 мај кога Реал Мадрид гостува кај Реал Сосиедад во дербито од 33. коло на Ла Лига. Домаќините напорно се борат за пласман во Лигата на шампионите, па гостите, на кои градскиот ривал Атлетико им се заканува да го заземе второто место, не можат да сметаат на опуштање за она што следи четири дена подоцна.
Тоа е финалето на Купот на кралот. На 6 мај Реал ќе игра против Осасуна. За баскискиот клуб тоа е можност да го освои првиот трофеј во историјата и ќе дадат сè од себе против гигантите.
Конечно, само три дена по финалето на Купот, Реал на 9 мај го пречекува Манчестер Сити во првиот полуфинален натпревар од Лигата на шампионите.
