Менаџерот на Манчестер Сити, Пеп Гуардиола не беше задоволен од ремито на гостувањето кај Лидс (1:1). Неговиот тим поведе рано со голот на Рахим Стирлинг, но во второто полувреме Родриго му донесе бод на домашниот тим.
– Беше интересен и квалитетен натпревар. Двата тима бараа победа од почеток до крај. Имавме неколку многу добри позиции до паузата и моравме да постигнеме повеќе од еден гол. Лидс е одличен тим, прокоментира Гуардиола.
Тој вели дека знае во каква ситуација се наоѓа тимот и знае која е причината за оваа ситуација.
– Постојат неколку работи што треба да ги направиме. Лошото е што веќе изгубивме 5 бода, додаде каталонскиот стручњак.
„Граѓаните“ се на 10-то место со 4 бода од 3 одиграни натпревари. Повратникот во елитата Лидс има 7 бода од 4 натпревари и ја зазема 5-тата позиција.
