Има денови кога воопшто не се чувствуваме гладни, дури и после вежбање. Дали недостатокот на апетит сигнализира дека нешто не е во ред со нашето тело или е нормално?
Гладот зависи од голем број внатрешни и надворешни фактори, а привременото губење на апетитот е безопасно. Можеби сме појадувале обилно, па не сме гладни или сме заборавиле да ручаме поради нашите многубројни обврски. Но, редовното губење на апетитот може да сигнализира болест.
„Губењето на апетитот најчесто се поврзува со настинка или гастроинтестинални проблеми. Исто така, одредени лекови може да предизвикаат губење на апетитот“, вели Кејси Ваврек од Државниот универзитет во Охајо за Men's Health и ги наведува петте најчести виновници за губење на апетитот.
Настинка или инфекција
Губењето на апетитот е вообичаено ако сме настинати. Ова е причината зошто понекогаш губиме тежина кога сме болни. Белите крвни зрнца ослободуваат цитокини кои помагаат во борбата против инфекциите, но овие хемикалии може да предизвикаат и губење на апетитот.
Бактериските инфекции како пневмонија и стрептокок грлото исто така може да доведат до намален апетит. Секако, поминува штом се опоравиме.
Стрес и анксиозност
Стресот предизвикува телото да ослободува хормон наречен епинефрин, исто така наречен адреналин, кој привремено го намалува гладот, според Харвард Хелт. Сепак, ова губење на апетит обично е краткотрајно. Постојаниот стрес може да предизвика ослободување на кортизол, хормон кој го поттикнува апетитот.
Лекови
Не е тајна дека лековите доаѓаат со долга листа на можни несакани ефекти. Гастроинтестиналните проблеми, како што се гадење, абдоминална болка или дијареа, често се наведени како можни несакани ефекти на одредени лекови. И токму овие несакани ефекти може да предизвикаат губење на апетитот. Наркотиците како кодеин и морфин, како и некои антибиотици, се чести убијци на апетитот.
Временски услови
„Постои причина зошто повеќето луѓе копнеат за полесна храна како салата и свежо овошје во лето. Всушност, некои луѓе може да прескокнуваат оброци кога температурата се зголемува“, вели Ваврек.
Топлата средина може да го потисне апетитот, додека студената може да го зголеми.
Одредени медицински состојби
Понекогаш недостатокот на апетит може да сигнализира други здравствени проблеми, вклучувајќи хипотироидизам, дијабетес или дури и рак. Веројатно ќе се појават и други симптоми, но тие може да бидат суптилни. Важно е да посетите лекар ако храната постојано не ви е привлечна.
Според Ваврек, треба да посетите лекар ако сте изгубиле тежина или ако немате апетит повеќе од три до четири дена.
