Британскиот психолог Кирен Шнек повеќе од 18 години им помага на клиенти со различни психички проблеми, а на социјалните мрежи редовно објаснува различни токсични односи и како во нив да се поставите.
Неодамна на TikTok објави видео под наслов „Ве контролира ли вашиот колега, пријател, родител, партнер?“ во кое објаснува пет начини на кои можеме да препознаеме дали некој сака да има целосна контрола над вашиот живот.
1. Оние кои сакаат да имаат контрола над вас и вашиот живот често се чувствителни и „скокаат“ штом нешто не правите како што мислат дека треба.
2. Секогаш внимателно ве набљудуваат и додека нешто правите тие коментираат до детаљ, обично наведувајќи што правите погрешно.
3. Имаат стриктни очекувања за тоа како треба да се однесувате.
4. Кога не можат да ве натераат да ги правите работите кои тие ги сакаат, реагираат бурно и знаат да бидат непријатни.
5. Постојано ги нагласуваат вашите грешки, но не ги препознаваат сопствените недостатоци.
Кирен вели дека овие доминантни однесувања многу брзо стануваат препознатливи, а многумина во нејзините примери се препознаа.
„Јас сум ваква во бракот“, „Ова сум јас, јас сум личност која сака да контролира“ се само дел од коментарите.