Железото е исклучително важен минерал за нашето тело. Го внесуваме преку исхраната, а е важен дел од хемоглобинот, протеин кој го пренесува кислородот во телесните ткива.
„Железото е важно за поддржување на здравјето на сврзните ткива, мускулниот метаболизам и другите процеси во човечкото тело. Ако не внесувате доволно железо, може да развиете анемија. Тоа може да биде сериозна состојба која доведува до симптоми како нарушени когнитивни функции, ослабен имунитет и умор“, вели нутриционистот Ејми Горин за Менќс Хелт.
Поради менструалниот циклус, жените почесто развиваат анемија за разлика од мажите.
Кои вкусни намирници содржат железо?
Црн грав
Црниот грав е богат со протеини и антиоксиданси. Една шолја варен грав содржи 3.62 милиграми железо. Одлична опција е за вегетаријанците, на кои им е потребно двојно повеќе железо во однос на оние кои јадат месо.
Спанаќ
Со шолја сварен спанаќ внесувате 6 грама железо. Спанаќот може да го додавате во омлет или во салати.
Мисиркини гради
Освен што содржат железо, имаат и многу протеини кои кога се дел од исхрана богата со зеленчук се поврзуваат со помал ризик од развој на дебелина, дијабетес и срцеви заболувања. Се препорачува мисиркино месо да јадете во свеж облик, не како деликатес.
Семки од тиква
Семките од тиква се добар извор на железо и еден од најдобрите извори на магнезиум, кој им помага на мускулите да се опуштат. Семки од тиква може да ги додадете во смути, салати, јогурт, тестенини, супи и слично.
Суви кајсии
Станува збор за овошје кое содржи најмногу железо. Преполни се со антиоксиданси кои помагаат да се неутрализираат слободните радикали така што штитат од болести како дијабетес и срцеви заболувања.