Замастен црн дроб се јавува поради складирање на вишок масти.
Добрата вест е што повеќето заболени често немаат никакви симптоми и тоа не им предизвикува сериозни проблеми.
Но, во некои случаи, замастен црн дроб на крајот може да доведе до оштетување на црниот дроб или цироза.
Во овој случај, последиците можат да бидат многу опасни, па дури и фатални, поради што е неопходно навреме да се препознаат првите предупредувачки знаци.
Како што објаснуваат експертите, постојат неколку симптоми кои можат да укажуваат на замастен црн дроб, а некои од нив се појавуваат и на лицето. Тоа се:
жолта кожа или очи
црвена кожа или еритем
розацеа
капилари на лицето
бледа кожа што може да биде знак за анемија.
Иако секој од овие знаци не мора да значи дека личноста има проблем со замастен црн дроб, во повеќето случаи ова се некои од првите симптоми. Покрај тоа, замастен црн дроб може да се манифестира и на некои други начини, како што се хроничен замор, исцрпеност, нагло губење на тежината и болки во стомакот.
