Ако главоболката постојано ви се враќа, можеби е време да ги промените секојдневните навики. Нутриционистот Сидни Грин за Eat This, Not That открива кои пијалаци можат да предизвикаат главоболка.
Според Грин, енергетските пијалаци се преполни со шеќер, кофеин и други додатоци за кои мислиме дека го зголемуваат нивото на енергија.
„Иако овие пијалаци ќе бидат поттик час или два, падот на енергија што ќе уследи потоа може да доведе до умор и главоболка“, објаснува Грин.
Секој алкохол е диуретик. Тоа значи дека поттикнува губење вода и електролити, смета нутриционистот.
Но, за разлика од жестоките пијалаци во кои може да додадете мраз, пивото и виното имаат поголем диуретски потенцијал па со самото тоа можат да доведат до главоболка.
Грин вели дека овошните сокови можат да бидат заситени со шеќер, а тоа влијае на нервниот систем. Пиењето овошен сок, без храна или друга течност, може да доведе до брз раст, а потоа и до пад на нивото на шеќер во крвта. Брзата флуктуација на шеќерот во крвта веројатно ќе поттикне главоболка.
Затоа треба да пиете ладно цедени сокови направени од зеленчук бидејќи имаат повеќе влакна, а помалку шеќер од овошните.
Ако сте навикнати на утринска доза кофеин, можеби и ви е потребна за да функционирате во текот на денот. Но, пиењето кафе има и лоша страна.
Една шолја кафе може да ви помогне кај главоболка, но повеќе од тоа може да биде рецепт за брза главоболка, вели Грин.
Објаснува дека кофеинот ги стеснува крвните жили, а кога го напушта организмот, жилите се шират. Таквото оптоварување на крвотокот може да предизвика главоболка.