Природен е и богат со витамин Ц, па веројатно се прашувате што може да не е во ред со сокот од портокал?
Овој сок често го пиеме, а е богат со шеќер што никако не е добро за оние кои внимаваат на тежината, пишува Eat This, Not That.
Една чаша сок од портокал од 340 мл има 33 грама шеќер, што од прилика е иста количина како во три крофни. Затоа, ако се воздржувате од крофни со шеќерна глазура, размислете дали воопшто треба да пиете сок од портокал.
Шеќерот во сокот претежно е фруктоза, прост шеќер што се содржи во овошјето и лесно се апсорбира во телото, а се поврзува со салото на стомакот.
Досегашните студии покажаа дека големата консумација на фруктоза е поврзана со опасното сало околу стомакот, но и со инсулинска резистенција.
Сепак, тоа не значи дека треба да престанете да јадете овошје бидејќи има фруктоза. Тоа исто така е богато со антиоксиданси кои се борат против слободни радикали. Има доста влакна, витамини и минерали.
Клучната разлика меѓу нив се растителните влакна. Кога јадете цело свежо овошје, за разлика од сокот од портокал, ќе добиете доста влакна. Тие влакна ќе ве заситат и во исто време ќе го забават варењето на овошниот шеќер во организмот, а тоа спречува пораст на шеќерот во крвта.
Од друга страна, шеќерите од сокот немаат влакна, па брзо се преработуваат. Не ве заситуваат и сето тоа води до дебелеење.
