Андреа Пирло не размислува да си даде оставка од функцијата тренер на Јувентус, и покрај вчерашниот пораз од Интер (2:0), што дополнително ја оддалечи „Старата дама“ од борбата за титулата.
Јувентус сега е на седум бода од лидерите Милан и Интер, при што „росонерите“ вечер имаат натпревар против Каљари и можат да им побегнат со двцифрена разлика.
Навивачите на Јувентус веќе го губат трпението и бараат заминување на Пирло, но поранешниот италијански репрезентативец апсолутно не размислува за тоа сценарио.
„Тренерот е секогаш виновен кога се губи, но играчите не ме слушаа. Од почетокот на играта влегоа срамежливо на натпреварот, беа исплашени од Интер и не го направија тоа што го договоривме пред натпреварот. Само гледаа како да се одбранат, а ни тоа не го правеа како што треба. Му дозволивме на Интер да преземе иницијатива, а тие се најопасни во тие ситуации. Ова беше многу лош резултат, не можевме да играме полошо и сега се свртуваме кон среда и Суперкупот против Наполи“, изјави Пирло.