Писмо адресирано до Папата Франциск во Ватикан, а во кое имало три куршуми за пиштол, е запленето во текот на сортирање на поштата во поштенски уред во близина на Милано, изјави италијанската полиција.
Вработени во поштата повикале полиција веднаш по забележување на сомнителното писмо испратено од Франција.
Истото било адресирано до Папата, а полицијата за Reuters изјави дека во тек е истрага за тоа кој од Франција го испратил писмото.
Официјалните претставници на Ватикан засега не се огласија за настанот.