Според World Travel Awards најдобра туристичка атракција во Европа за 2023 година е Guinness Storehouse во Даблин.
Кога ќе помислите на најдобрата туристичка атракција во Европа, веројатно помислувате на Стоунхенџ, Колосеумот или Ајфеловата кула. Сите тие се неверојатно познати, но на изненадување на многумина едно обележје ги надмина во трката за водечка туристичка атракција во Европа.
Според World Travel Awards, гала свеченост која секоја година ги слави најдобрите во патувањето, туризмот и угостителството од 1993 година, пиварницата Guinness Storehouse во Даблин, главниот град на Ирска, е водечка туристичка атракција во Европа.
Меѓу номинираните беа Бакингемската палата во Лондон, Саграда Фамилија во Барселона и Акрополот во Атина.
Guinness Storehouse за прв пат ја освои наградата во 2015 година и е рангирана како најдобра туристичка атракција во Ирска како целина. Се наоѓа во самото срце на Даблин, град познат по својата богата историја и култура.
Магацинот не е само местото каде што се произведува пивото Guinness во последните 250 години, туку нуди поглед од зад сцената на сложеноста на правењето и точењето на ова светски познато пиво.
Ова место ја раскажува приказната за најпознатото извозно пиво во Ирска, пивото Guinness, од неговите скромни почетоци во 1759 година до денес. Магацинот не е само дом на Guinness, туку и прослава на ирската култура, креативност и претприемништво.
@eringeorgia_ A must visit whether you like guinness or not! #fyp #foryou #mustvisit #dublin #ireland #viral #travel #xyzbca ♬ Au Revoir - Sweet After Tears
Приказната е раскажана преку различни интерактивни изложбени простори вклучувајќи состојки, транспорт, соработка, рекламирање и спонзорство. Се протега на седум ката и опкружува стаклен атриум во форма на литар Guinness.
Има и кино сала посветена на прикажување на стари реклами за Guinness и неодамна реновираниот Gravity Bar кој има прекрасен поглед на главниот град на Ирска.
