Полјакот Шимон Марчињак (41) ќе биде главен судија на финалето на Светското првенство в недела во 16 часот.
Досега правдата ја делеше на само два меча во Катар, а во двата случаи им судеше на финалистите. Беспрекорно ги водеше натпреварите меѓу Франција и Данска (2:1) и Аргентина и Австралија (2:1), интересно е што овие средби завршија со идентични резултати, а Марчињак одлично си ја заврши работата и покажа вкупно пет жолти картони.
Добрата работана Полјакот не остана незабележана од челниците на натпреварувањето, кои решија да го наградат и да го назначат за главен судија на големото финале на Светското првенство во Катар.
Марчињак ќе биде под голем притисок, кој во Катар е зголемен откако шпанскиот судија Лахоз беше испратен дома по мечот меѓу Аргентина и Холандија. На тој меч тој крајно го налути Лео Меси и донесе одлуки кои го изнервираа јужноамериканскиот тим, а после тоа Аргентина ја судеше Италијанецот Даниеле Орсато.
По убедливата победа на тимот против Хрватска од 3:0, „огнените“ упатија големи критики до судијата - пред сè селекторот Златко Далиќ и најдобриот играч Лука Модриќ, кој рече дека секогаш имал проблем со Италијанецот, кога и да делел правда на натпревар на кој играл.
Сето тоа ќе ја зголеми температурата, која веќе е вжештена пред финалето.