Републиканската кандидатка Ники Хејли се повлекува од претседателската трка.
Ники Хејли, кандидатката за претседателски кандидант на републиканската партија, денеска ќе ѝ соопшти на јавноста дека излегува од претседателската трка, наведуваат извори запознаени со нејзините планови, пренесува CNN.
Хејли е единствен ривал на поранешниот претседател Доналд Трамп во претседателската кампања на републиканците. Но, додека Трамп победи на 14 од 15 сојузни држави во Супер вторник предизборието, Хејли ја доби битката само во Вермонт, а претходно победи само во Федералниот округ Колумбија, специјална област која не е сојузна држава и вои која се наоѓа главниот град Вашингтон. Трамп вкупно победи во 23 сојузни држави (Ајдахо, Ајова, Алјаска, Алабама, Арканзас, Вирџинија, Јужна Каролина, Јута, Калифорнија, Колорадо, Масачусетс, Мејн, Минесота, Мисури, Мичиген, Невада, Њу Хемпшир, Оклахома, Северна Дакота, Северна Каролина, Тексас, Тенеси) и во Американски Девствени Острови.
На републиканските предизбори во вчерашниот Супер вторник таа освои само 43 републикански делегати, а Трамп дури 764.
Воочи предизборието во Јужна Каролина во февруари, Хејли ветуваше дека ќе остане во трката до Супер вторникот на 5 март, велејќи дека ќе продолжи да учествува во предизборите „сѐ додека и последниот не гласа, бидејќи верувам во подобра Америка и посветла иднина за нашите деца“.
