Победата на холивудскиот актер Џони Деп, во случајот за клевета против поранешната сопруга Амбер Херд, може да му помогне да се врати директно на врвот на листата најплатени холивудски актери.
Експертот за односи со јавноста Александра Вила, која во последните две децении ги претставува холивудските ѕвезди, е уверена дека ова ќе биде одличен исчекор во кариерата на Џони Деп.
„Кариерата на Џони ќе го достигне врвот, тој не само што ги освои срцата на публиката туку и ќе може да бира улоги во некои од најголемите филмови кои ќе излезат во следните неколку години. Би можел да стане најплатениот актер досега“, вели Вила за Daily Star.
Таа се осврна и на неговата кариера:
„Џони заработи милијарди долари во последните неколку децении. Зад себе има 40 години работа и проекти кои публиката ги сака“, објасни таа.
Освен филмовите, тука е и парфемот Savage чие заштитно лице е тој, а кој се продава во рекордни количини.
Експертката објаснува дека Џони си ја соголил душата пред јавноста, а сега неговиот углед ќе биде вратен.
Според извештајот на Forbes од почетокто на 2022 година, најплатен актер е Двејн Џонсон кој заработи 270 милиони долари на филмовите „Black Adam“ и „Red Notice“.
Деп за филмот „Alice in Wonderland“ заработи 68 милиони долари, без притоа нешто особено да се потруди. Според анализа на 24/7 Wall Street, Деп во филмот изговорил само 661 збор што го прави еден од најплатените актери со најмалку изговорени зборови. Од друга страна, од „Pirates of the Caribbean“ оствари заработка од 90 милиони долари по филм што значи дека неговата вкупна исплата е 450 милиони долари.
