За деновите на италијанскиот дизајн во Скопје, Италијанската амбасада и ИТА (Italian Trade Agency), организираат настани со кои се промовиираат уникатноста и врвниот квалитет на италијанскиот дизјан.
Темата на годинешното издание на деновите на италијанскиот дизајн е „Создавање вредност: инклузивност, иновација и одржливост“.
Деновите на италијански дизајн во Скопје почнуваат на 14 март во Сули ан, со макстер-клас на Лука Боскардин, италијански дизајнер на играчки и илустратор за многу италијански и интернационални брендови, како StudioRoof, Corriani, MonPetitArt, Arbos, George Magazine и Philips Design.
Истиот ден, во Чифте амам, свечено ќе биде отворена изложбата на ADI Design Museum, посветена на 140 години од првото издание на „Авантурите на Пинокио“, и содржи избор на дизјанерски проекти на италијански компании направени специјално за изложбата, кои ја потврдуваат способноста на италијанскиот дизајн да креира безвременски слики и предмети и го слават митот за Џепето, првиот италијански дизајнер.
На 15 март во Ист гејт мол ќе се одржи модна ревија, на која ќе бидат претставени најновите колекции на италијанските брендови Armani Exchange, Patrizia Pepe, Twinset, Dan John, Erreà, Rebecca, Just Cavalli, Furla, Versace, Benetton, со која ќе се отвори 28. сезона на „Фешн викенд Скопје“.
Настанот е од отворен тип, наменет за сите посетители и љубители на модата и дизјанот, кои ќе може лично да ја почувстуваат возбудата на гламурот од италијанските модни писти.
