Суспендираниот играч на германскиот Сент Паули беше примен во Фудбалската федерација на Турција (ТФФ) каде доби на подарок дрес од репрезентацијата.
Германскиот второлигаш го суспендираше крилото Џенк Шахин поради јавно изразената поддршка за турската инвазија врз Сирија и курдското население. Тој неодамна преку Instagram ѝ даде поддршка на воената интервенција на турската војска наречена „Извор на мирот“ која ја осудува целиот свет.
„Ја поддржуваме нашата херојска војска и армија. Нашите молитви се со вас“, напиша Шахин.
Шахин сезонава има само еден настап за Сент Паули и тоа во купот, додека во лигата неколку пати беше на клупата, но не влезе во игра. Сега е суспендиран и не ни тренира со тимот.
Во ТФФ беше примен од претседателот Нихат Оздемир и му беше подарен дрес од репрезентацијата на Турција со бројот 67.
